فى أولى حلقات المسلسل الإذاعى "بابى سيتر" الذى يقدمه الفنان أحمد أمين، على الراديو 9090 تشاجر أبطال المسلسل، سيف مع زوجته سارة بطريقة مازحة.
سارة: يا سيف اصحى انت اتأخرت على الشغل
سيف: حاضر هركب المنبه وأروح أهو
سارة : انت كسرت المنبه تانى يا سيف
سيف حاضر يا حبيبتى هقوم أهو
سارة: طب يلا عشان ياسر وفريدة ولادك على السفرة والفطار جاهز
سيف: خلاص يا سارة صحيت .. أوف "الست تصحى جوزها" تقوله يا حبيبى ويا قلبى، بقى ديه سارة إللى كانت عاملة أيام الجامعة زى منى زكى بقت عاملة زى بدرية طلبة
سارة : انت بتقول إيه.. يلا بسرعة.. قوم..سيف لو سمحت نظف التواليت قبل ما تخرج عشان ياسر ابنك بيقلدك
سيف: ياسر ابنى حبيبى إنت عندك ثعلبة فى دماغك
ياسر : لا ماما قصت لى شعرى وبدل ما تتريق ودينى للحلاق
فريدة: صباح الخير يا بابى
سيف: فريدة كلى البيض المسلوق
فريدة: لا يا بابا ده بيض أومليت ههههههه
سارة : اتفضل يا ياسر طبقك
سيف: ميرسى يا سارة
سارة: سيف أوعى تنسى تدفع قسط المدرسة
سيف: حاضر هاخد إذن وأروح أدفعه
سارة: سيف متنساش المصيف
سيف: أنا مفهمك طول ما إدارة المرور "مشتية" مفيش مصيف
سارة: لا فى مصيف ومتنساش تدفع قسط النادى
سيف: سارة فين سندس
سارة: سيف لو سمحت متتريقش على الكلبة بتاعتى وبعدين اسمها "ساندوز" مش سندس
سيف: ياترى ساندوز بتنظف التواليت بقى يا سارة
سارة: سيف "بصوت عالى"
شكرا لمتابعتكم خبرعن سيف يتشاجر مع زوجته فى أولى حلقات «بابى سيتر» في بكبوزة ونحيطكم علما بان محتوي هذا الخبر تم كتابته بواسطة محرري مبتدا ولا يعبر اطلاقا عن وجهة نظر بكبوزة وانما تم نقله بالكامل كما هو، ويمكنك قراءة الخبر من المصدر الاساسي لهه من الرابط التالي مبتدا مع اطيب التحيات.