تداول نشطاء مواقع التواصل الاجتماعى نصائح طريفة للبنت المصرية لكى تكون مثيرة.
10 خطوات لكى تكونى مثيرة:
١- بلاش نأفور فى الموضة يعنى نحاول نعرف إيه بيليق علينا و نلبسه بلاش الكتير؛ الكتير من أى حاجة مضر .
٢- عن تجربة فى بعض المصطلحات الدخيلة على اللغة اللى أنصحك، لو انت بتقوليها تتوقفى فورا، وتضم تلك الألفاظ حاجات على شاكله؛ انبى، استغطى، كبريته، استعشى، تمثيليه إلى آخره.
٣- وانتوا مع بعض فى مكان عام ماتقوليش؛ لامؤاخذة رايحة الحمام خلينا نرجع للزمن الجميل “لامؤاخذة رايحة اصلح مكياجى”!
٤- بلاش تنفى وهو قاعد ….. بس !
٥- ذكريات بلطيم المثيرة و آخر مرة شوفتى فيها قنديل البحر و كنتى فكراه جيلى نطرمخ على الحوارات دى والله مش عشانى عشان مصلحتك… كله عشان مصلحتك!
٦- ماتزنيش .. خليكى كول كده خليكى واثقة من نفسك.
٧- من أهم النقط اللى دايما بكررها باستمرار؛ حاولى تصدريله إنك مش مهتمة بموضوع الجواز، تقوليلى ليه اقولك عشان هو فاكرك مهتمة أى ولد فاكر أى بنت هتموت وتتجوز وبغض النظر أنها بتبقى هتموت و تتجوز أنت لو صدرتيله إنك مش فى دماغك هيقلق فهيتخض فهيفتكر إنك مختلفة فهيتدبس فهيجيب علبة الشيكولاتة الباشونيل ام ٦٠٠ ج والوالد و لوالدة على ملا وشهم و يجوا يخطبوكى.
٨- بلاش أسئلة كونية صعبة؛ على غرار بتحبنى؟!
٩- ماترغيش كتير فيقلق لأن أغلب البنات رغيات بصى إحنا عايزين نصدموا اصلا مش نتجوزوا الفكرة إنك هتبقى غامضة فى نظره وعليه هيبدأ يكتشفك!
١٠- لو غلط فى معلومة، إحنا كبنات تحسنا زى المستر اللى واقف على غلطة، بس بينى و بينك انا رأيى تعديهاله اسمعى منى عديهاله!
Tags
جمالك