عبرت النجمة الشابة رنا سماحة عن سعادتها الغامرة بحفلها الذي أقيم مؤخرا على المسرح المكشوف بدار الأوبرا .
وقالت رنا سماحة عبر حسابها بموقع “إنستجرام” : “الحمد لله الحفل كامل العدد، وكانت حفلة من أهم وأرقى الحفلات اللي عملتها في حياتي”.
ووجهت سماحة الشكر لمحمد عباس قائلة: “في البداية عايزة أشكر صديقي وأخويا النجم محمد عباس اللي كنت مبسوطة جدًا اننا بنفتتح المهرجان الصيفي لدار الاوبرا مع بعض”.
“عايزه اشكر اهلي اللي دايمًا جنبي وسانديني، عايزه اشكر كل اصحابي الفنانين سواء كانوا مطربين او ممثلين او شعراء او مخرجين وحتى من خارج الوسط الفني اللي كانوا حريصين على وجودهم معايا في يوم مهم زي ده”.
واضافت: “شكر خاص جدًا اللجمهور الراقي اللي كانوا موجودين وبشكر الالتراس اللي مشرفيني دايمًا والadmins اللي بيتعبوا جدا معايا بحبكم اوي وزودتوني فخر بيكم وثقه بنفسي وكمان اللي ماقدروش يجوا واهتموا انهم يتابعوا ويشتغلوا على السوشيال ميديا وطلّعونا ترند بتاج الحفلة”.
وتابعت: ” وطبعًا بشكر أعضاء فرقتي الموسيقيه الاساتذه اللي أبدعوا امبارح بقيادة اخويا وصديقي أحمد عمرو، وبشكر كل الصحفيين اللي شاركونا سواء كان بوجودهم بالحفل او متابعة الاخبار”.
“وفِي النهايه بشكر إدارة المهرجان الصيفي بدار الاوبرا المصرية على التنظيم الهائل ده شيء مشرف، وشكرًا على الصور الحلوه جدًا دي”.
شكرا لمتابعتكم خبرعن رنا سماحة تتحدث عن أسباب نجاح حفلها بالأوبرا في بكبوزة ونحيطكم علما بان محتوي هذا الخبر تم كتابته بواسطة محرري كلام الناس ولا يعبر اطلاقا عن وجهة نظر بكبوزة وانما تم نقله بالكامل كما هو، ويمكنك قراءة الخبر من المصدر الاساسي لهه من الرابط التالي كلام الناس مع اطيب التحيات.