قالت الإذاعية شيماء حافظ، خلال برنامج روق يومك على الراديو 9090، إن هناك 10 كذبات شهيرة يقولها الرجل للمرأة، ليس من فقط من أجل مجاملتها، ولكن لكى تسير الحياة فى هدوء، بعيدا عن المشاكل.
1- الفستان حلو.. "مش بيقولها بس كمجاملة لا كمان عشان يمشى حياته من غير مشاكل".
2- مش ببص عليها طبعا.. "لما واحدة تدخل المكان ويبص عليها.. مهما بلغ جمالك ومدة علاقتك بالراجل هيبص.. وده زى حبك للشيكولاتة".
3- هبقى أصلحها أنا.. "لما حاجة تبوظ فى البيت بيقول كده عشان يحافظ على كبريائه وأنه فاهم فى كل حاجة".
4- كله تمام وتحت السيطرة.. "لما يكون زعلان أو متضايق بس يحل مشاكله بعيد عنك".
5- أنا حاولت أكلمك وإنتى اللى مردتيش.. "الراجل مش فاهم أنه بيخيب أمل الست فيه لما بتنتظر منه حاجة ومتحصلش.. لأنه بيكون حاسس دايما أنه اتخلى عن الحرية عشانها وهى مش مقدرة".
6- أنا مش هصالحك إلا لو إنتى اللى عاوزة تتصالحى.. "ده لما بيكون مش عاوز يعترف أنه غلطان.. وعاوز يرمى الكرة فى ملعبك".
7-أنا أحسن واحد فى الدنيا.. "بيكون عارف أنه بيكدب عليكى وعلى نفسه، وده بيكون تعليقه لما تحكى عن صاحبتك اللى بتشتكى من جوزها".
8- خطيبتى الأولى كانت عادية خالص.. "طبعا بيشترى دماغه لما تسألى عنها.. ويقولك ده كان ارتباط صالونات".
9- أنا عمرى ما حبيت بنات أيام المدرسة.
10- أنا عمرى ما بكذب عليكى.
شكرا لمتابعتكم خبرعن أشهر 10 كذبات يقولها الرجل للمرأة في بكبوزة ونحيطكم علما بان محتوي هذا الخبر تم كتابته بواسطة محرري مبتدا ولا يعبر اطلاقا عن وجهة نظر بكبوزة وانما تم نقله بالكامل كما هو، ويمكنك قراءة الخبر من المصدر الاساسي لهه من الرابط التالي مبتدا مع اطيب التحيات.
Tags
حواء و آدم