خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الثلاثاء، عن "قضاء المرأة لوقت طويل أمام المرايا، إذ تقول الدرسات إنها تقضى سنتين من عمرها أمامها".
وجاءت مشاركات المستمعين، كالتالى: "أنا آخرها معايا تسريحة شعرى، إحنا الرجالة مابنقفش أمام المرايا يدوب ثوانى بس لما آجى اظبط شنبى بقف بالنصف ساعة، ربع ثانية على حسب مزاج شعرى، ممكن 5 دقايق أو أقل على حسب شعرى لما بيطوعنى، فى الزمن اللى إحنا ده مبقاش فى وقت أصلا نقف دقيقة حداد يبقى هنقف قدام المرايا، لا أستغرق سوى 10 دقايق فقط أمام المرايا أما بالنسبة للمرأة بتشوف العجب، بصراحة المرأة بتقضى سنتين من عمرها من غير المرايا وبقيت العمر بالمرايا، الواحد مبيكملش والله دقيقة قلبه وقومه، معنديش وقت للمرايات دايما خمس دقايق كفاية مع إنهم بيقولوا إن الستات بتعطل فى الخروجات بس أنا دايما جاهزة، إحنا تقريبا بناخد المرايا معنا فى كل مكان".
Tags
جمالك